بخيتان =
سلام قلنا مثل ماقالو لنا الدينا بخير=واللي بها عاش العنا ماشاف خير ايامها
جيتك وانا عندي كلام ابستمع لك واستشير=ليه القلوب اللي عطت يصدر حكم باعدامها
المستشار=
يامرحبا ترحيب لايق على القلب الكبير=مثل المزون المركمة اليا استهل اركامها
والعلم واضح للفهيم ولا جهل عنه الخبير=مايعدم القلب الوفي الا اشبها انعامها
بخيتان=
تبقى ولاتدري وش اللي حل بي واللي يصير= في داخلي تفجرت كل العروق انسامها
كل اتجاهي متجه في علم مجهول المصير=اعدام صادر وانت فيني ما نكرت اجرامها
المستشار=
الحظ لاعاند ك ماتقواه كنه لك خفير=والسر يبقى فالخفى مانباح من عوامها
ماقول لك شعيل مايقدر على الحمل الخطير=كان الهدف مني فدا عينك بشد خزاماها
بخيتان=
لاحتار فيها من تحيّر ماحتسبته لو يحير=واللي يصورها لمخرجها يعرض افلامها
انته معي فالسالفة اتدير مدري تستدير =ماودي الجمها وانا يمناي طال خطامها
المستشار=
قال المثل كلٍ وعقله فالمصاعب له شوير=ومن لايقديها بعد ترفع تطيح اعلامها
احترت في فكري معك وجتاحني بحرك غزير=دامك مسكت اخطامها جود عليه احكامها
بخيتان=
نفتق خيوط ثيابها ونخيطها لك مانثير =والناس شقتّها العقول ولاشقت لاجسامها
لاعاد تِلحق بالحطب اخاف لافكرك ينير =ويضيع مابين اليدين وبين طول اكمامها
المستشار=
احكم ادارة فرعكم مسؤل دامك به مدير=وخل الخدم تعلن على الطاعة لكم بسلامها
بكرة يرقونك مناصب عالية وإنك وزير=والناس تعرف قدركم واثنت عليك اقلامها