مـحـمـد الــــردادي =
مرت علينا شهور عجـاف=الشعـر مايكتبـه شـاعـر
مدري من الشعر صار يخاف=والا العرب مالهـا خاطـر
بخـيـتـان الـبـشـري =
وايقت من عالي المشـراف=واصبحت في وضعنا حايـر
ولقيت من يحمي الميقـاف=شروى محمد وبـه خابـر
مـحـمـد الــــردادي =
عزالله الحـق والأنصـاف=واضـح للعيـان والناضـر
مغير حضرتـك ماينشـاف=عسـاك للمنتـدى عـامـر
بخـيـتـان الـبـشـري =
الـود ودي اشــوف الآف=واشوف ملح الحكـي دايـر
حتى المعاني تجيك اصنـاف=يرتاح من شوفهـا الزايـر
مـحـمـد الــــردادي =
هذا طموحك مافيه اخـلاف=لكن مافيـه احـد حاضـر
خلاص يعني الشعر ينعـاف=دام البشـر كلهـا تكـابـر
بخـيـتـان الـبـشـري =
يا محمد الصيرفي صـراف=وقـال المثـل لازم تسايـر
الشعر متذوقه مـا يخـاف=على الشعر دامـك امثابـر
مـحـمـد الــــردادي =
صحيح نلعب على الأطراف=لعبت مهاجم وهـو عابـر
ماهو مثل ماسك المجـداف=اللي مع المـوج ومخاطـر
بخـيـتـان الـبـشـري =
دام انتمركزنجيـب اهـداف=بالهـد والا علـى الطايـر
المشكلة لو حصـل إيقـاف=او طرد فيه الحكـم جايـر
مـحـمـد الــــردادي =
تدري نسوي لنـا احـلاف=نهاجم اللـي يجـي ثايـر
حتى يصيبه هنـا خفخـاف=ويحتـار مايقـدر يعـايـر
بخـيـتـان الـبـشـري =
اثنيننـا فاللياقـة خـفـاف=الكـل فالمستـوى جايـر
فريقنـا كامـل الأوصـاف=من قابلـه يرجـع يخايـر