من اعلام شعر المحاوره / احمد الناصر
لقبه كبار وعمالقة شعراء المحاورة بالمدرسة والعميد
واطلق عليه الاستاذ الشاعر راشد بن جعيثن لقب جنرال الشعر الشعبي وحبيب الشعر والشعراء.
انه عميد شعراء المحاورة ورائد الشعر الشعبي ..
القمّة والهرم الشعري
أحمد بن ناصر الشايع من المساعرة
من قبيلة الدواسر
ولد شاعرنا الكبير أحمد الشايع في مدينة الزلفي الجميلة عام1340ه.
أحمد ناصر الشايع .. أو كما يعرف عند أهل الشعر أحمد الناصر عرف بجزالة شعره منذ صغر سنه ..
واقترنت.. جزالة الشعر عند شاعرنا الكبير مع جمال صوته في المحاورة أو انشائه للنظم ..
وعرف باعتماده على البحور الطويلة..
له في مجال النظم والمحاورة اكثر من 65 عاماً من الابداع والتألق مما جعل له جمهوراً عريضا ليس في المملكة فحسب بل على مستوى الخليج..
حاور أحمد الناصر معظم عمالقة وشباب شعراء المحاورة منهم على سبيل المثال لا الحصر..
حمد المغيولي وعلي أبو ماجد ومرشد البذال وناصر الشيباني وعبدالله اللويحان ومطلق الثبيتي يرحمهم الله وصياف الحربي شفاه الله ومستور العصيمي ..
والشاعر الكبير رشيد الزلامي والهاجري وغيرهم من الشعراء.
لن اطيل الحديث عن شاعرنا فهو في غنى عن ما كتبت ..
ولكن انتقيت لكم بعض من محاورات احمد الناصر ..
ونبدأها بهذه المحاوره
احمد الناصر مع مستور العصيمي
احمد الناصر
سلامـي رده صافيـه سويتهـا وابـدي بهـا=تسمعوا يامـن حضـر سلامـي رده صافيـه
يازيـن درب العافيـه ياطيبهـا,, يـا طيبهـا=نصف الشهر خمسة عشر,, يازين درب العافيه
مستور العصيمي
تبا تبان الخافيـه والـدار نعـرف ذيبهـا=واليا بدا نور القمـر تبـا تبـان الخافيـه
خل القلوب الصافية تضحك وتظهر غيبهـا=وانا معي وجهة نظر يا أهل القلوب الصافية
احمد الناصر
ترى الاشارة كافيه قصة يصيب مصيبهـا=واليا سريت اخذ الحذر ترى الاشاره كافيه
هات العلوم الوافيه لـك عـادة اتجيبهـا=احذف حجر واقلب حجر هات العلوم الوافيه
مستور العصيمي
انا لبوسي ضافيه جيب الحقيقـة جيبهـا=آخذ خبر واعطي خبر وانا لبوسي ضافيه
ترى الليال الدافيه كل العرب تمشي بهـا=وانته على جال البحر وقت الليالي الدافيه
احمد الناصر
دربيلنا كشافيه دنيـاك مـا اعـرف غيبهـا=واحسابنا طـرح وجبـر دربيلنـا كشافيـه
اخلاف ماش خلافيه تقبل ولا تقضـي بهـا=والريف أخير من الدهر واخلاف ماش خلافيه
مستور العصيمي
ياللي بنيت القافيه وراك مـا تبنـي بهـا=حط الحجر فوق الحجر ياللي بنيت القافيـه
بعض السوالف كافيه اصبح بها وأمسي بها=يا عود داخلك الكبر بعض السوالف كافيـه
احمد الناصر
بالوسط والاطرافيه علومي ما تدري بها=دعوى يضيق بها النحر بالوسط الاطرافيه
يا للي عيونك غافيه تفتح ولا تغضي بها=عبره من كبار العبر ياللي عيونك ضافيه
:20: