الحجيري=
يا مرحبا عند حرب أهل الكرم وأهل الوفا والجميل=والشاعر اللي علومه غانمه يقلط على زيّها
لنكانها بالفروسيّه ترى لي سيف يصقل صقيل=آعَرْفْ صدّامها وأعْرِفْ معمرّها وحُسنيّها
عاشق نجد=
تبقى وتبقى الحروب اهل الوفا واهل الكلام الجزبل= يالشاعر اللي لحونه تنعرف من عرف راعيّها
والنعم والله ولكن منت بل حالك ترى فوق خيل=غـيرك رجـالا" تـعـلا قبـها وتعـرف اسـاميّهــا
الحجيري=
عزّ الله إنّي حظيظ اللي قسمكم لي يا عاشق قبيل=يا حيّها اللابه اللي تنجب الأفذاذ يا حيّها
ماني لحالي وأعَرْفْ إنّك فوسط الماد تصهل صهيل=لكن حذاراك تمشي في دروبن بان لك غيّها
عاشق نجد=
طابت حظوظك وتبشر في دلال البن والعطر هيل= وانته وشرواك نكرمهم وغيرك نجود بكيّها
الميل ما يجيك منا مير شايفلي ربوعـا" تمـيل = لكن يالريـس المنصـوب لا تسـفه مماشيّها
الحجيري=
كلن و طبعه وشمس الصبح يجلى نورها كل ليل=ما أسفه يا كود الردي والا الشجيعين أدسم لحيّها
منوّل البنت محشومه ما يتجرا عليها الدخيل=واليوم كل من معه قرشين خم البنت بعبيّها
عاشق نجد=
طبـعه بنبـعه لا يقـرب نبـعنا راعي تهــاويــل = لا وحـالالاه يـا كــرسـي دـقـايــق مـــن كراســيّها
من اول الناس ما تسبر بعض بشوف ودرابيل= ومصيون عرض العفيفه ما يتدنس دام انا اوخيّها
الحجيري=
بعض العرب فالعلوم الكايده محسوب عابر سبيل=عنده تساوت حرار الطير يا شيهان و حديّها
البنت رغم انها ما ودّها غيري يا عاشق حليل=ما عاد لي شفّ فيها بعْدْ خالط حسنها سيّها
عاشق نجد=
بعض العرب للاجانب سم ولربعه يشب الفتيل=يا مسح الجوخ لا تنطح رجالا" دمك دميّها
لنكان هونّ حفيد القرم ثم عود يخض الصميل=أنا ماهون مـادام البـنت قبله شـاري حـليّهـا
الحجيري=
أنا لربعي دوا ولخصم ربعي داء وسيلٍ يسيل=ما يمسح الجوخ حاكم يا وزير اِرفع معانيّها
القرم وقت اللوازم لك ذرا ولحرب ضلٍ ضليل=والبنت كانك عرفت البنت لا تِقبِل على قفيّها
عاشق نجد=
حظر دليلك وانا بين النشــاما يابشــر لي دلــيل = والكل يعرف ثرى البيداء ويعرف قيمة ثريّها
انت الجدي والجدي مهما تعلا ما ينافس سهيل = يالشاعر اللي نبوع الجزل من طيبه شرب ريّها
الحجيري=
فعلي دليلي وعنْهْ (ا)تعَلّمَكَّ برقا و روق وهذيل=نعرف ثراها وثريّاها وضابطها وجنديّها
أنا جدي في سما الله وأنتْ فأرض الله تحط وتشيل=ياللي تراعي من أرضك في نجوماً معتلي ضيّها
عاشق نجد=
الله عطانا عيون وعقل ونخايل صدوق المخيل = ولحــدا" يعلـم معـلم عــارف الديـره وطـرقيـّها
يا راعي الجزل من قولي زعلت وجبت ليه هزيل = وهاذي فوارق عوارف نجد من عراف حجزيّها
الحجيري=
عمك جبل ما تهزّه ريح ما يرجع كثيره قليل=وعشان ما أخسرك خلّ الحكم يالنجدي لقاضيّها
مادمت لم تستطع صبراً معي يا خيّ حان الرحيل=أنتَ في ديرتك وآنا في ديار يظلّكم فيّها
عاشق نجد=
حفيد قام ايتعمعم عقب شال السيل روس النثيل = وانا كذالك لجل مخسرك بتجاهل ترى عيّها