محمد خذا البندق و روح يدورر الصيد =و لا جاته الا ذيرر الصيد مذعوره
بيت راشد الثاني لم استطيع الحصول عليه=..........................

ما دام العيون تشوف ما فيه شرط و قيد =ترى بندقي ماهي من الصيد معذوره
ليا راد رب الكون علياء تجيب وليد =لاكن انت حربيٍ شهادتك محظوره

اخبرك معك تصريح لاكن يبى تجديد = على روسكم يا جهينه البيض منشوره
ليا راد ربك تكبر السالفه و تزيد =و اورد لك البترول من راس تنوره

هذا الامر من حقي و من راس التعميد= ياالين الجمل سمحان يبرك على زوره
عسي ما تعديتم على وزعة ابن حميد = و خط القطار يمر رابغ مستوره

تمهل ترانا ناس ما نقبل التهديد = انا من سنه راصدك بالصوت و الصوره
انا الحربي اللى زاد تعقيدكم تعقيد = تبون القطار ادموعكم تقل نافوره

انا دارى انك تزعجك كلمة التوحيد = و عندي مرض قلبك و طبه و دكتوره
سلامات يا الحربي نطالبك بالتسديد = مسجل على حسابك ثلاثين فاتوره

انا اكره كلام البدو من كثرة الترديد = و لا احط صدري للمهابيل صبوره
مسدد و فيه مخالصه يا قليل الفيد = و لاكن حلقك صايرٍ تقل ماصوره

ترى العلم ما يفرق بالابعاد و التابيد =و لا عاد فيه مراجعة مجلس الشوره
مسجل عليك احساب بالكاش و التقصيد =و زلتك عند الناس ماهي بمغفوره

متي خلصت دورتك من مركز التجنيد = عساهم على متنك يحطون دبوره
عفى الله عن اللي فات خل المشاكل حيد = و دعواك لا هالحين بالشرع منظوره

انا اخذ قراري من يدي ما اقبل التجديد = لاكن انت متعلم و محتاج للدوره
عفى الله عن اللى فات لو عوف مثل زبيد = و يبقى الجبل محفوظ و الارض مخشوره

قرارت واجد صادره من صفوف عبيد =و لا باقي الا مشلحٍ يستر العوره