بالخط انا والنوم غالب وغلاب = نوب (ن) عليه ونوب منه الغليبه
يالين مر اللي للانظار جذاب = لو دونه الموت الحمر ما تهيبه
مر وتعداني وانا امسيت منصاب = انصبت منه ولاعرف كيف اصيبه
شفته وشفت النوم عن ناظري غاب = وعينن تشوفه نومها وش تبيبه
جعله فدى ضبياً للاباب نهاب = ما له حلين بالحلا اللي كسيبه
وجهً جبل صمتك ليا مر لك ذاب = وماجابت الورقا لزوم (ن) تجيبه
يفتن به اللي بين صف ومحراب = ظني وكلن يعلم الله بغيبه
به فتنة الدجال مع فرق الاسباب = وهذا بعد يدخل بمكه وطيبه
لو صاح يستنحد طويلين الاشناب = يمشون لعيونه كتيبه كتيبه
وبغداد هي والقدس من كف الارهاب= عادت على يديهم لهلها غصيبه