سلام واسلم لنا الترحيـب=وبعض التراحيب مرفوضه
اللحن بحكم عليه يشيـب=سلعة وفالسوق معروضه
يامرحبا والحـروف تجيـب=من جامعي وآخـر فروضـه
لانته بمخطي ولا انت مصيب=لو ان سوق المثـل فوضـه
تبقى حياتـك هنـا يالذيـب=والحرف حرفك بنا حضوضه
ويش حالة اللي غشاه الشيب=عاقل وبحر الردى يخوضـه
تمضي حياتي وفا مع طيب=ياللي معانيـك محفوظـه
لاهل العقل حكمه وترتيب=وكلمة الحـق مفروضـه
معقول شمس الضحى بتغيب=والعصر ما حلت عروضـه
ياورد فيك الحسن والطيـب=مازلت مغروس فالروضـه
اوقات ظن الرجال يخيب=وعلومهم غير محظوظه
وبدال مايفتحون الجيب=يقدموا كاس مفضوضه
محجوب عنا رسوم الغيب=لكن نخيل الروى ونوضه
عطني الإفاده بقول مصيب=فالشايب اللي نسا قروضه
اللي نسـا ينسئـل ويثيـب=ودي رسالـه وملحـوظـه
وان جد فالعلم شيً جيب=لو فيه اسرار وغموضه
للقلب ياصاحبـي تقليـب=وآمال بالسن مقضوضـه
شفت العجب فالجمال النيب=الود فيها مـع الموضـه
النفس خضرا مع التهذيب=والود ماينكسر حوضه
مير الردى يارفيقي عيب=الشيخ يهتم بفروضه