يامرحبا من ضميري زود=أحلى من الشهد في وصفه
بالشيخ فايز كثير الذود=عن ربعته خطها كفه
واللي حضر من رجال الجود=ترحيب نثنيه ونصفه
العلم يسريلكم بالقود=وانت الذي ترسمه حرفه
وابن حبيتر حفيد العود=نشطان من شانكم ضيفه

مرحب يابو تركي سواة المزوني=ملفاك والمنزال وسط العيوني
حيَّاك ياراع الوفا والقنوني=ساعد وربعه عندهم ليلة العيد
شرفتنا بالدار والدار مسرور=وشرفتنا باللي فالاسفار مسطور
علمك على التأصيل باين ومشهور=منهاجك التوثيق في خط ما تحيد
الأجر من ربي يافايز وليفك =عساك للتوفيق دايم حليفك
من قلب صافي في حضورك وطيفك=ما ردد البلبل في روضِه تغاريد