بدع/ خالد بن عبيد بن معتوق الأحمدي

الهوى غلّاب مافيها كلام
سال دمع الغيظ من عين الشّجاع
والغرام احيان يُبلا بنقسام
ينهي آمال المولّع بإندفاع
وانت يافوّاز لو زدت اهتمام
تجهل اسبابه وسِرّ الانقطاع
قلت له وان غبت ماعندي ملام
الوصل خلّه بقدر المستطاع
لكن يعاند ويخلف بالغرام
وفجوة عناده تزيد الاتساع
ودّنا ننهيه بإحلال السّلام
كيف نقدر فيه صعب الانصياع
........................................
ردّ / فواز بن محسن بن لاحق الزويهري الحربي

الهوى غلّاب ويشلّ العظام
كم عزيز من الهوى فالنّاس ضاع
الهوى يتنفسه راع الهيام
والهوى لولاه ما يُنشر شراع
والهوى للبحر روح وبه يزام
قلب ما سام الهوى ليته يباع
من عكس تياره يشوف الضّيام
من يجاري هبّته شاف الشُّعاع
والصّعيبه راضها الرّجل الهمام
بين شد وجذب تمهيل وصراع
كل ما تجفل يبادرها احترام
تصبح مطيعه وسايسها مُطاع
هكذا حال المحبين الحشام
احترام وصبر ... رفعه فالطّباع