الله من قلبً سكن داخله هـــم = من اسباب مخفيها مثل لطم الامواج
في وقت قاسي للأوادم تولم = حـد الكـريم ولردي دربـه انعاج
ياقلب عن سدك حذاري تعلم = لاتبين اللي مختفي وسط الادراج
يعلم به اللي للخفيات يعلــــم = اللة في وقت الضيق للعبد فــراج
أصبر وراع الصبر ماضن يندم = وشكواك للي جولة الناس حجاج
صحيح من قال الصبر مر علقم = المــر ولا ينباح ســدك لهـــراج
يهرجبها في مجلسً فيه تلتم = اخبار تنشر قصدهم فلت احجاج
قليل من قلبه من الهم يسلم = يدخل فوسط القلب من دون مخـراج
ماشخصه فالــوقت طبً تقـدم = ولاحطلـه في دفتـر الطـب منهـاج
ليته مرض ودواه وصفه ومرهم = كان انتها الموظوع في وصفة اعلاج