هذه كسرات قديمة لانعلم عن اصحابها
كثر الحســد والتكبر زاد == والناس ماتعلم الخافي
اقضي نهاري مع الاجواد == والـــهم بالليل ميلافي
-----------------------------------------------
لي سنه في العمار ابني == وانهد بنيي في ساعة يوم
لاجيت ببنيه يتعبــــــني == وان جيت اكبه عليه لــوم
-------------------------------------------------------
ستين ليله عـــــدد صبري == ايامها مع ليــــــــــاليها
ماشفت منهو عرف قدري == والروح زادت شكاويها
-----------------------------------------------------
بكيت وابكيت من جاني == حتى الحجر من بكايـــــه لان
عزي لمن قال ياخواني == يموت وهو ماانقضى له شأن
------------------------------------------------------
صاروخ وجه لنا بالميل == مدري سبب ايش غاراته
مدريموجه لنا تعديــــــل == ولا خلل في مساراتــــــه
---------------------------------------------------
يامزنتن خيلت بــــدري == وان لاحت بوارقــها
خيلتها والناس ماتدري == زراع ماني مفارقها
---------------------------------------------
مريت محمية الحــره == واعجبني منظر الغزلان
بس الافاعي لها جره == وانا اتشاءم من الثعبان
------------------------------------------------
كف المطر والزمان امخير == ماشوف ريفه من اعشابه
جيل القطاء يدرج ويطيــــر == والنون مكنون فحجابـــــه