في وقت بُرج الحُوت عنّا مقفّي
صار اللقا وايّاك والجو طيّب
في ليل جمّعنا ويحسب موفّي
رغم الظلام بوحشته مايهيّب
ساتِر وكاتِم جا فصفّك وصفّي
ويجلى ظلامه نور وجه الحبيّب
لقياك محسوب العلاج المشفّي
ياللي ماشفنا فيك حاجة تعيّب
ماينفع بحلو المشاعِر تخفّي
اظهِر أحاسيسك وخلّك قريّب
عبّر عن اشعورك وكفّك بكفّي
لاقول لك سيّب ولا تقول سيّب
وحين الوداع انوار سعدي تطفّي
وآقول اشوفك وانته تقول طيّب
لقياك مرّة واحدة ماتكفّي
مشاعِر اللهفة ماترضى تغيّب
الشّاعر/ خالد بن عبيد بن معتوق الأحمدي