حبيب العازمي=
سرى الليل والمعنى بنيته بنا بنا=
ونبغى التحدي مايشره بنا بنا=

والا يابحر ياللي فيك كان يسافر البابور= وش اللي صار للبابور يادنيا من انتيله
تدور ايامنا وليالنا والمقبلات تدور = ورجل(ن) مايصلي لامر ربه وش يصلي له

راشد السحيمي=
سرى الليل اشوف الحق توه ظهر ظهر=
تقدم صلاة العصر يعنى ظهر ظهر =

اخذنا دورنا وانت باقيلك ياحبيب دور=كذا والا كذا صاحب ومشروبه فناجيله
تدور ايامنا والنار تالع والسلاح يثور = لكن المدفع اللي من جهتكم ويش باقيله

حبيب العازمي=
ياقلب السحيمي ضم علمي ضما ضما=
ومن يشرب الماء لايهمه ضما ضما=

ترفق لاتخم اللقمه اللي تبلش الحنجور= اليا نشبت بحنجورك ياراشد وش تسويله
ثلاث سنين وقدورك على نار الجهاد تفور= ومدفعنا ترى من صار في مرماه ياويله

راشد السحيمي=
حبيب جمع عالم وفرق ولم ولم=
الم يعلم ان الخير واجب ولم ولم =

انا دكتور والمرضان مايشرط على الدكتور = يسويبه يابو فيصل بكيفه مايسويله
انا ياصاحبي ماني على كبر اللقم مجبور = لكن صاحبك مدري ياحبيب وش مخليله

حبيب العازمي =
ضلع الحرامي يالسحيمي ورق ورق=
وهذا الليالي جاه حاله ورق ورق=

يادكتور العياده مايفيد دواك في المسحور = وكم دكتور ضاع دواه بين اليوم والليله
وانا اركض في الجزيره والعلم منشور = وراع المشكله نحط له تيله ورا تيله

راشد السحيمي=
الارزاق هذه ياحبيب وهب وهب=لكن الهوى ذعذع وهب وهب
اهب انك كلك شر منزل وهب وهب = على شان ما للاوله غير راعيها

انا ماكني اعرف وجهك الا من ثلاث شهور = وهالحين نعرفك زين لك مالنا حيله
ليا صرت في الجنه تخير في بنات الحور = متى مدري متى تسلم من القبر وبهاذيله

حبيب العازمي=
هبا بليس واللي يتبعه من بشر بشر= احسبك بصحه وانت اثرك بشر بشر
نبشرك وانت ماتقدم بشر بشر = على شان ماللاوله غير راعيها

كذنك يالسحيمي ماتعرف الا حمد عاشور = اليا غنيت لك بيتين يوميلك وتوميله