لي لازمن عيا يتهيا من سنين
حاولت به والحظ عيا يجيبه
ركضت له ركض النضا بالميادين
وسامرت له بالليل نجم الرقيبه
واللي مايكتب يالرجال الفطينين
لو البشر تفزع معك ماتجيبه
وكلت بامري من خلقنا من الطين
حلال صعبات الامور الصعيبه
سبحان من نرجيه بالعسر والين
النمل يسمع جل شانه دبيبه
ماني لغيره مشتكي لو بعد حين
شكوى لغير الله ذل ومعيبه
من عادتي ماطمن الراس تطمين
ولي نظرتن بالوقت ماهي قريبه
عجاب صالح الحنتمي