السلام عليكم
الى من انتقص من البدو
😡🔥
🍂🍂🍂🍂🍃🍃🍃🍃🍃🍃🍀🌷
🌿🌿🌿🌿🌿🌿🌿🌿
يا جاهلين .. البدو أهل الكرامات
أهل الورود السايغات العذيبه
أهل الحمر .. زينات تمشي نفيسات
وترخص لضيف الله ولاهي غريبه
وأهل الدلال الصفر بن وبهارات
من هيل و عويدي على ما يطيبه
وأهل العقيده فطرةٍ ما بها اسفات
ولا تابعوا موضة وقناةٍ معِيبه
وللبدو في وقت الشدايد صدارات
هم الطليعه في أمام الكتيبه
بناتهم خير البنات العفيفات
من دونهم روس الرجال الصليبه
لا يغرك الإعلام كله خرافات
قَرِّب من البدوان وتلقى الكسيبه
إن جيتهم بالطيب تلقى المروات
وإن جيتهم بالسُو° روحك عطيبه
والحضر فيهم خير و علم و شهادات
ما ذمهم أهل القلوب الحبيبه
من ينتقص إنسان كانت نهايات
قصة حياته بين شك ٍ وريبه
هذا كلام الصدق فيه الدلالات
من شاعرٍ ينظم عقودٍ عجيبه
🌿🍃🌿🍃🌿🍃🌿🍃🌿