ارسل لي احد الاصحاب بيت مدري منين محصلة وطلب مني مجاراته على عجل
فكان له ذالك .....
البيت الذى ارسله صاحبي
تدري وش اقرب شى يشبه حضورك = نسمة براد وجات في قائلة صيف
الرد والمجاراة للبيت السابق
تدري وش اللي دوم ينعش شعورك = لك صاحب(ن) دوم(ن) على غاية الكيف
ان كان ما زرته يجيك ويزورك = وان باروا الخلان صاحب مواقيف
من قلب مخلص لا ستشرته يشورك = بشور(ن) حكيم راجح(ن) للعواريف
لو تزعلك دنياك مصدر سرورك = والمعدن الطيب مبعد عن الزيف
وتدري وش اللي واقفن وسط زورك = ناس(ن) كثيره ما عليهم تحاسيف
|