حروف القصائد ترجمن غامض الاحساس=وبثن مشاعر سر باقصى الحشا خافي
رسمهن قلم قطرات حبر على كراس=وتدفق عبير الشوق من نبعه الصافي
تظاهرت اخفي بس انا طبعي الحساس=غلبني وسجلت اعترافي على قافي
صحيح ان باب الصبر عزه ورفعة راس=وكما قيل ياخذ صاحبه مطلبه وافي
حياة الأمل بهجه وحسره حياة الياس =تجاهين عكس اختارها وانصف انصافي
لياضقت ترضى يوم تنظر لبعض الناس=يشوف المريض الصحه بجسم متعافي