احمد:
ياسلام الله سلام واجهة معناه يمك
ان سكنت ارض الجزيرة وان سكنت ارض الكنانة
قوم ياحربي تهرج بين اخوك وولد عمك
يوم انادي صاحبي صياف من باب الميانة
صياف:
مرحبا ياعد ياهداج لين يفيض جمك
والبنادم يعرف اللفات ويعرف الذهانة
انت لاحصلت حربي تزهمة من خف دمك
مدري اهيه من هجوس صافية ولا لعانة
احمد:
ويش رايك يالسحيمي نمدحك ولا نذمك
ويش رايك وش تورى وانت سدك بالامانة
يالسحيمي ودنا نكسيك ونكبر معمك
والغداء لك خيزرانة والعشا لك خيزرانة
صياف:
كان ودك تنشد العربان قول ولا يهمك
من يدور للعواين غصب يلقى له عيانة
وكان تبغاها مخامش خمني والصبح اخمك
فالقلص ثنتين تفاحة والاخرى برتكانة
احمد:
ام هارون الرشيد الاوله صارت هي امك
لويزعلها ولدها دخلت دار الحضانة
خير اهل رابغ يخص وشر اهل رابغ يعمك
ماتفكك خيل عوف ولا ولد خالك عفانة
صياف:
انت صاحبها القديم تزمها ولا تزمك
مايغش المسلمين الا قليل الديانة
انت ذيب اشهب صغير والذيابة ماتشمك
اثر قلبك مثل ضلع طويق ماعندك ليانة
احمد:
تحذف الشايب وهو في طرقته ماهو بيمك
اترك الشايب وخله يالسحيمي في مكانة
ان سمعت الشور والاقلت لك شلها بكمك
كل ماتكبر تزيدبك العداوة واللعانة
صياف:
تمها بيني وبينك بالشرف والله يتمك
احمد الناصر من رجال الشرف لولالسانة
الطبيب يعرف سم الداب واثره مثل سمك
لوعمر يسلم منه ينوش واحد من خوانة