غازي الشاطري =
سـلام الله سـلامٍ بالمعـزة والفخـر نبـداه=نقوله في حلالٍ عزها مـن مـاض الأيامـي
يابو فارس نشوف الكون في اول جيشكم واتلاه=عسى راسك سلم ياصحبي من رمية الرامـي
علي الحصني =
هلا يامرحبا ترحيبت اهـل المعرفـه والجـاه=نرحبك على سلـم العـرب والـدرب قدامـي
انا راسي سليم ومن قديم الوقت محدن جـاه=وتراءء حرب السلاح نميزه من حرب لاعلامي
غازي الشاطري =
يدوم إلك البقاء والكيف جاك معربٍ معناه=نسوقه من دلالٍ هيلها جـذاب الانامـي
عساه يدوم سالم علي عند الولي يحمـاه=لكن اللي جرى شفته بعني والطلب حامي
علي الحصني =
اثرك محصللك علـم يامـره ويـا محـلاه=ثلاث ايام ياغازي تراقب عـرض الفلامـي
طبيعي ماحصل لكن بعض الناس وش عناه=يدور للمشاكل في بلاد الشـرق والشامـي
غازي الشاطري =
يقوله واحدٍ عن كون ذاك اليوم وش دراه=تدور المعركة واللي بحي خريص ماقامي
ترى الفارس ليامنّه تعشى الذيب ماعشاه=يدور للغداء بعد العشاء مع كل زهامـي
علي الحصني =
ولايا صحابناء المطران كلن تعجبه ليلاه=ولا يوجد مطيرين مثل صاهود بن لامي
ما نكرها ولانفرح بها قدرن عليه أغطاه=ولاكــن الـصـحيـح انـا لقيـنا كـل الانعامي
غازي الشاطري =
صدقت وكل ذيبٍ ماكـره راس الجبـل عـداه=وابن لامي معرّب من مطير اخوال واعمامـي
ماتكرهها لكنـك ماقـدرت تزورهـا يـاذاه=تقول الموت دون الكنز الاخضر جمع واقسامي
علي الحصني =
مدحتك ونتفخت ولابقا الاتفـض المخبـاه=مدامن به معر فيه بين البـارد الحامـي
ليااوحينا منادي من يجر الصوت ما ننساه=هذا واجب علينا ياوسيع العرف ولزامـي