هذه المحاوره جرت بين الشاعرين الشاعر الكبير باداءه محمد عبيد الربيقي والشاعر الكبير عبدالله بن شايق
محمدعبيدالربيقي :
يامرحبا حيالله الخطار مـن كـل الديـار=اقولها ومعـزب الخطـار قدمـي قالهـا
قم يابن شايق والدعاوي وصفها جنه ونار=تسعى نفوس الناس لكن كل نفس
عبدالله بن شايق:
ابك البقا ياللي ترحـب لايميـن ولايسـار=حضك معك يبراك وحضوض العرب تبرالها
اقدح بزندك يوم زند الناس يقدح من شرار=والبنت تعرف عمها والبنت تعـرف خالهـا
محمدعبيدالربيقي:
مادري متى نسمع عن الضفه يفكون الحصار=العالم اللي تحتفـظ فيهـا لـروس اموالهـا
ترد بعض الروس ضلم دعاية الروس الكبار=كل القضيـة روس بـس العالـم يورالهـا
عبدالله بن شايق:
ياخوي صح النوم وينك يوم صدرنا القرار=اللي يبهـر دلتـه نعطيـه مـن فنجالهـا
الليل يابو ليل خل الليل واطلـع بالنهـار=وارقد بضل الشجره اللي مايميل ضلالهـا
محمد عبيد الربيقي :
من يكشف الموضوع لاصار المناجا باختصار=كل يقول اللي بـرك قـدم الحمولـه شالهـا
مافيـه حـل الا نوصلهـا طويليـن العمـار=خل الجهازات الضعيفه وش يفيـد ارسالهـا
عبدالله بن شايق:
كنك غروب الشمس لونك لبيض اسود مع حمار=ابـرك لهـا واشتالهـا والا نجيـب بدالهـا
ماحد يردك بس اخاف ان مالها عندك مطـار=والا احتزم بالسيف واحذف غترتـك واعقالهـا
محمد عبيدالربيقي:
الناس ضيعها الحسد وش فيه مادري ويش صار=كلن يقـول ان السوانـي فـي يديـه حبالهـا
الفضل لله ماقنصنا غيـر فـي شقـر الحـرار=نترك هزال الصيد وتجيب الصقـور اجزالهـا
عبدالله بن شايق:
احسن توفى بالحرم والاتموت بقندهار=خلك مع العقال لاتمشي مع جهالهـا
وتقبلوا تحياتي
منقول