ابوفرح
ياما ليالي بها عشنا = في رونق الود متخاوين
من جور الايام ماخفنا = اهل واحبه لنا باقين
واليوم جفت منابعنا = هلي اسى يادموع العين
تهنا وتاهت مراكبنا = ولادري على وين متجهين
سالم البشري
الوقت أول يساعدنا=مع بعضها الناس متصافين
عشنا ومشينا وكم شفنا=ماشفت أنا الخلق متجافين
وتغير اليوم واقعنا=حتى انقلب حالنا حالين
الله عسى الوقت يسعفنا=والود يرجع لنا والزين
يمكن نلاقي مرافئنا=فيها ونرسي مع الراسين