المشاركة الأصلية كتبت بواسطة قابل البشري

	نسيت اطلبك قصيد يابوطلال ترى الناس تبغى شعر ياعملاق اختارلنا من المدح ومن الحكمة ومن الغزل ماتعتبره الاقرب الي نفسك

النفس ملت مـن غثـى حاجتينـي
دمح الخطاء ومجاملة بعض الاصحاب
عـوج الخطايـا يبحثـن الكنيـنـي
لو قلت خافيّه مع الوقت مـا يجـاب
مشروههن دايـم علـى الطيبينـي
وإلا الردي ما حصلن فيه مقضـاب
الكف الأملس مـن قديـم السنينـي
ماقيل وش ودى مع الناس وش جاب
مـا ينصفـط لمرافـق الغانميـنـي
قد قالها الحصني وغيره وابو نـاب
لولا تجاريب الدهـر يـا الفطينـي
ومصارع الدنيا علـى كـل هنـداب
ما فرقـوا بيـن الوفـي والدوينـي
هذاك ينصونـه وذا عنـه مجنـاب
عسى لنـا سيـره مـع المذربينـي
يا ساتر الخـلات يـا رب الاربـاب
واحسن لنا المقصود دنيـا ودينـي
وأستر خطانا عن هدف كل مغتـاب
لا تحطـنـا لمـفـوه الشامتيـنـي
اهل النقيلي شامتت كل مـن غـاب
وامر وادهى لاظهـر لـك ابطينـي
وانته تكمل ناقصـه عنـد الاجنـاب
وان جت من النايد عسى الله يعيني
اصبر ولابد الهـوى ريحهـا هـاب
الاجنبـي بابـه علـى مصرعينـي
عزه وتقديره مـع االنـاس لاطـاب
وان هس با الميزان ما هو خدينـي
قولة بمـان الله تقفـل ميـة بـاب
حقه عليـه مـا افـرح الحاقدينـي
لو مبغظه جانـي يطـرّح بالأسبـاب
يـروح منـي مستشيـل وحزينـي
ما شال مني ما يحسب لـه احسـاب
سلمـن لهلنـا بـه نـدان وندينـي
من مرجـع السنـه وتحكيـم الاداب
وحقـي عليـه بخالقـه يستعينـي
يرسم حدوده والعمـل عنـد كتـاب
مرجي مديحـة واحـد مـا يبينـي
وإن سبني ما نلحقه لـوم واعتـاب
وكان البطيني جـرح قلبـه دفينـي
لاشاف زودك حط في دربك انشـاب
ان ما حرصته بالنظـر كـل حينـي
واغلقت زرفال(ن) ملولـب تلـولاب
تعلمـوا بـك تايهـيـن الظعيـنـي
وإلا النشاما تفتخـر بالـذي طـاب
ترجح ثقتهـم فـي وكـاد اليقينـي
وزودت بناخيهم تزودهـم اعجـاب
بحقوقهـم حــذراك لاتستهيـنـي
تنزل من القمه مع السايـر الـداب