ربعي هل الوقفات كسابة الطيب = بفعالهم صاروا علم بالجزيره
اهل الكرم ومكملين المواجيب = من دون ناصيهم سيوف ٍ شطيره
مايسكنون ألا بروس المراقيب = اهل الديار الشامخه والمنيره
عدوهم تبقى جروحه معاطيب = يقفي وفي قلبه من القوم ذيره
لو كان في صفه بن عباد وكليب = يسقى حميم الموت من جم بيره
اهل الفعل ومروضين الاصاعيب = فالموقف اللي فيه قدح الضخيره
يامزبن المختاف وقت الاطاليب = بني حمد ياطيبكم من عشيره