السلام عليكم ورحمة الله وبركاته
مساااااااكم الله بالخير والسرور
إليكم أحبتي الكرام هذه القصيدة
الغــــزلــــــيـــة
وهي على فن
( المــــــــــجــــــــــالــــــسي )
أرجو أن تنال
استحساااانكم ورضاكم
يهل البساتين النظاير شجرها =والتوت والرمان باهي ثمرها
وبها عيون نضوح شادي زهرها =أوصاف منهو بالمودات موصول
جودوا علينا يا هل الخير من فيض =من ودكم فضلال والناس في قيض
يهل الضلال الجود منكم على ريض =من جود وده مالك الزين والطول
معزول قلبي عن سواكم من الناس= والوجد فيكم ياهل الوجد نوماس
ياجوهر الياقوت غيرك لنا نحاس= وأنته حسين الطبع لك عندنا اقبول
وان غبت عن عيني وطتنا الركايب =ولا اللهوف اللي ترقب لغايب
ولا كما مطعون والجرح عايب= قله طبيبه مالك اليوم مامول
لا يا قرير العين غاية مرادي=ألطف بنظره يبتهجلك فؤادي
واهيم بسمك عاشق بكل وادي =والطير ياتيكم بذا الحال مرسول
قال الطوير اللي نظر كيف حالي=بحكي لكم بالصدق ما شد بالي
الوجه فيه رسوم حز الحبالي =والجسم كنه يابس العود منحول
أضحى الخلوج وجرح ميسم ضهدها =تنسى الجراح إليا تذاكر ولدها
والناس ما يدرون فاين نكدها= يدري بلاها اللي على الحب مجبول
ولا كما اللي راح شوفه فشبابه=عقب المكارم ذاق ذل القرابه
أضحى كسير الهم والدهر صابه= هذا خبر من كان بالود مفتول
هذي تماثيلي من الود بقياس= فايض من المكنون مخوط باحساس
وختامها صلوا على شافي الباس =المصطفى المختار واختم به القول
ولكم خااالص التقدير