المشاركة الأصلية كتبت بواسطة سويلم الحربي

.
.
.
.

يازين احبك واهتني في وجودك = شي من الله ماعرفناله اسباب
القلب يالمجمول داخل احدودك = كل العذارى دونهن قفل الباب
ضلوع قلبي ياحبيبي شهودك = انك ملكت القلب من دون الاحباب
لا عاد بعد اليوم تطري صدودك = ماعاد يصلح بيننا لوم واعتاب
ياللولو الصافي تلامع اعقودك = كل العذارى صفقلك من اعجاب
شعرك على ردفك وطوله يكودك = الي على متنك تقل ريشة اغراب
ليته خلقني شامتآ في خدودك = على طرف خدك قريب للاهداب
ولا كما الخامه على قد عودك = واصيرلك دون البشرستروحجاب
كن القمر نازل بفرقت جعودك = مماتشوف العين قلب الشقا ذاب
صافي معك بالحب موفي عهودك = صافي معك بالحب ماني بكذاب
امارحمت القلب حضر لحودك = ادفن وليفا مات والقلب منصاب