ملتقى قبيلة حرب الرسمي - عرض مشاركة واحدة

14-12-11, 10:15 PM


	المشاركة الأصلية كتبت بواسطة انسان من حرب


	وش فايدة تحليل المحاوره ياجماعة الخير محاوره بين شاعرين وانتهت في ذيك الليله انا لا حظت من نقلها من قبل الاخ حميدان وحاصل في تحليل هذه المحاوره زعل ومشاد بالكلام الذي حنا في غنى عنه يالربع ماحد داري عنا لو نحلل من اليوم حتى تكمل سنه خلاص شعراء حطوا بروسهم معنى ولعبوا عليه وانتهوا وكل واحد حط في جيبه عشرة الاف ريال ومشى وحنا جالسين نحلل وفي اخرتها تنزاعل على ماقل المثل بابن يجيك من ريحه سده وستريح اخواني لايمنع من نقلها للاطلاع عليها في ملتقى القبيله حيثاً احد شعارها يمثلنا ياجماعه انا لست من مشجعي اقامة شعر قلطه بالحفلات بعض الشعراء الله يهديه يسب قبيلة قبيله ثم يعود الشاعر المقابل يسب قبيلة زميله ثم تعود المحاوره سب في سب والله اعلم حتى صاحب الحفله عليه اثم لن هو من يسر لهم المحاوره وجمعهم يلحقون ناس منهم الغايب ومنهم المتوفي وش فايدة راعي الحفل الكلمه الذي يبي يحصل منهم قولهم في بدايه اول طاروق ( مرحبا عند شيخاً ) حتى لو مانت شيخ ولاتعرف الشيخه الا بطاريها ونهايه ماخوذه فلوسك من شعراء ومن قناه تصور هذا ياجماعه وجهة نظري فقط وانا دري ماهي جايزه لكثير من الناس لكن ماحد ملزوم فيها كلن عقله براسه وانا لم اعلق الا بعد ماشفت تدخل في زعل بين اعضاء الملتقى وقد لايسمى زعل أن ماهو الا عتاب ولكن انا لاحضت كلام غير طيب في بدايه التحليل ولكنه حذف

مافيه زعل الله يهديك ابداً

و المقصد من نقلها خلنا ندردش و نسولف مع بعضنا و لاسوينا منكر و لله الحمد عشان نتجنب ذلك