من لايتوب
يالله يـاشـاهـد عـلـى كــل غـايـب
يـاعـالـمن ســـر الـخـفا والـقـلوبي
تـغـفر لـعبدن جـاك مـذنب وتـايب
يـارب تـغفر ما مضى من ذنوبي
جـيتك ودمـع الـعين مـني سكايب
ارجــاك تـرحمني وتـستر عـيوبي
مـن قـبل مـا تركز علي النصايب
مـجـردن مــن كــل مـالـي وثـوبي
مـفـارقن دنـيـاي واغـلى الـحبايب
ومـكـفـنن بـلـبـاس مــالـه جـيـوبي
مـا مـعي مـن دنياي زاد وجلايب
خــال الـيدين مـصففاتن جـنوبي
لا نــزلــونـي بــالـمـكـان الــمــلايـب
مـن عـقب ماني بالمكان الرحوبي
ثـم قـفوا الاصحاب حتى القرايب
عـن مـا حـصلي كلهم ما دروبي
رحـمـاك ربــي يـاعـظيم الـوهايب
بـالماقف الـلي بـه نجاح ورسوبي
الـقبر ياللي ما تحسب الحسايب
يـومه حساب وكل شي محسوبي
لــه ظـمتن تـخلف عـظام الـترايب
فـرضن عـلى كل الخلايق وجوبي
مــابـه شـفـيـع ولاتـفـيد الـطـلايب
غـيـرالعمل مــا فـيـه شـي يـنوبي
ان طـاب فـكك من سموم اللهايب
وان خاب عظمك من لهيبه يذوبي
من لاحسب للموت خاسر وخايب
الــمـوت مـــا مـنـه مـفـر وهـروبـي
والـيا دعـوك اثـنين كاذب وصايب
طـيع الصدوق ولا تطيع الكذوبي
درب الـفـلايح مــا عـليها ضـرايب
ولا عـلـيـهـا مــــا يـــرد الـهـيـوبي
ولابـــد مـــا يـــوم تـريـح الـركـايب
وتـنـوخ الـمظهور وانـت مـغصوبي
ولابـد مـا تـرجع مـع الـوقت نـايب
مــابـه طـلـوع الا يـعـقبه غـروبـي
دنــيـاك لاهــبـت عـلـيها الـهـبايب
مـثل الـسحابه لاقـتفتها الـهبوبي
مــن سـوف الايـام راحـن ذهـايب
ومـن لا نهج صكت عليه الدروبي
ومن لا يتوب وعارض الخد شايب
مـتـى يـفـكر فــي حـيـاته يـتوبي
شعر: منير ناير الهرساني