مكارم الاخلاق نضف..السريره
وعن عرض...خلق الله وناقص وزايد
جرح المشاعر. مايجي منه خيره
نصيحتي ياطيبين العوايد
كم واحدٍ بوالوقت..غشه ضميره
ماياخذ المقصود.نضرة محايد
من شان سوء الظن.مايستثيره
اظن مهما كان.للشخص عايد
ورجل(ن) بليا.عرف لاتسشيره
ترى الرزانه....مع وسيع البنايد
دوّر حكيم الراي..في كل سيره
من ربعك الأدنين..وان كان نايد
والواجب انك.ماتوجه لغيره
تمشي على رايه...ولوكان كايد
من طاوع المزهاف..درهم بعيره
ماكل من شاور.يجيب الفوايد
تري الشراره.عاقبتها سعيره
والنار لاشبت...تراها تزايد
ولاحد(ن) على نفسه رضا بالكسيره
وفي كل يوم(ن) تستجد..الجدايد
اما تجي في حلقة(ن)....مستديره
والطق ياصل..لمهات القلايد
ياواقي العثرات.تضف الستيره
وانك تجنبناالخطا والنقايد
#غازي_الزغيبي