المشاركة الأصلية كتبت بواسطة خالد دغيمان القبع

كان المراجل بالدراهم وانا اخوك=شوف الحريم حسابها بالمصارف
الدين راس المال والعبد مملوك=والكبر لله يالخوي وانت عارف
مانته ردي من جد جدك اليا ابوك=ماضيك بالتاريخ واديه جارف
وحنا بعد بالمرجله عندنا صكوك=واثبات من عدوان والا معارف
من يقبل الميله على النفس صعلوك=ومن لاغرف بيديه ماهوب غارف
والقلّ ماهو عيب والطيب مشروك=ومن يبذل المعروف يلقاه طارف
يالمورقي بيحت سدي وانا اخوك=وخليتني فوق الطويله مشارف