أبو أحمد ( خالد اللهيبي ) هلا وغلا بك وبعبد الجليل الفريدي
أشكركم على متابعتكم لما نكتب ولعل الإجابة واحدة
والله أبو يزيد يعجبك في الحرابي وأنا بيني وبينك لما أبدأ بقاف صاعد من بدايته
دايم أتوقع أبو يزيد يرد لأنه يطربه الحرابي وللعلم مايحويه القاف لايعكس العلاقه التي بيننا
لآن أوقات في معمعة القاف تجد الواحد منا يتصل بالثاني وهو يضحك أشد الضحك
وجميع مادار بيني وبين أبو يزيد متقارب لكن بأذكر إحداها /
وأتمنى من الجميع عند بداية اللحن الصاعد أن لايتركونه حتى يهبطون به على مدرج المحبة
ولايقفلون القاف وهو صاعد حتى لا يترك قصة في الحلق ثم تبقى النفوس على شحناء
لافـــــــــــــي
سلام .. يدفـع لحـن آلـي=من فـوق منصـة الإقـلاع
يصعد معه للسمـاء العالـي=ويرجِّعه ليـن يصـل القـاع
الــــجــــمــــل
ترحيب له نـور واشعالـي=يكشف جميع الفضا باشعـاع
يبراك فـي كـل الاحوالـي=وياخذ معك كامل الأوضـاع
لافـــــــــــــي
عسى البقاء وغاية أقوالـي=أني لأهـل الوفـاء مطـواع
لكـن سمعـنـا بزلـزالـي=أحدٍ سلم منه وأحـدٍ ضـاع
الــــجــــمــــل
يابـن سعـد عندنـا غالـي=شـرواك يشـرى ولاينبـاع
وآنـا حسـب ماتـورّالـي=الشوف ماهـو كماالأسمـاع
لافـــــــــــــي
تسلـم ومنزلـك منـزالـي=ويعوِّض اللي تعـب وابتـاع
وأنا أشوف السمـاء خالـي=و با طمِّن الصاحب الملتـاع
الــــجــــمــــل
سلمت والبـدر فـي ليالـي=ماله فكـل الشهـر مطـلاع
والمـرء مايطعـم الحالـي=حتى يـذوق المـرار انـواع
لافـــــــــــــي
أنا الـذي حـار فـي بالـي=مع طلته والهـوى ذعـذاع
أني منـه شفـت الأهوالـي=وأحـدٍ علـى طلتـه فـزَّاع
الــــجــــمــــل
مـن أول الوقـت للتّـالـي=بحر الهوى معركه وصـراع
كـم فيـه حسّـاد عـزّالـي=باقي أمـل عندهـم لسّـاع
لافـــــــــــــي
هذا زمـن ضـرب الأمثالـي=والا القمر في السماء شعشاع
يسبح في بحر الهوى سالـي=مخلف هقاوي طويـل البـاع
الــــجــــمــــل
الرزق قسمـة مـن الوالـي=حكمه عـدل ماعليـه نـزاع
احدن أخـذ ربعـه الخالـي=واحدن نصيبه ثـلاث اربـاع
لافـــــــــــــي
ماشاف لـو ربـع مكيالـي=العلـم واضـح بـلا إقنـاع
و من لاجله الطرف هلالـي=خيلة صقر والعيون وسـاع
الــــجــــمــــل
لاواهنـا راعـي المـالـي=مبسوط فالصيف والمربـاع
محروز مالـه بـالا قفالـي=بعيد عـن نظـرة الطمـاع
لافـــــــــــــي
ياللي لهـا خفـاف وثقالـي=وتفوز فـي حـزت الإبـداع
كملـت ياطـيـب الفـالـي=وأمتعتنـا أي مـا إمـتـاع
الــــجــــمــــل
وانت لها قصـار وطوالـي=والقيل توفيه كيـل وصـاع
ومعاك فـي كـل الاحوالـي=للحرف نكهـات واستمتـاع