المشاركة الأصلية كتبت بواسطة غازي الزغيبي

للفرم بن محسن تعنت اخطانا=للماقف إللي ضف كل العشيره
بجهود شيخاَ لمهم ماتوانا=ولاهي على محمد لك الله كثيره
ابوه قبله من قد يم الزمانا =ملفا وملجا بالليال العسيره
ويوم استجابوا للمجي اومرانا=حنا جبرهم والفلك في مسيره
مانغيب عن ميقافنا لادعانا=نحضر وكلِ في مجال تعبيره
ومن ابرك اللحضات حزت لقانا=يوم اجتمعنا بلوجيه السفيره
حنا قبيله حرب يعرف نقانا=بسلم ولا بسيوف الشطيره
يوم الجزيره شعبها مايتدانا=وكلٍ على الثاني يصل المغيره
وحنا لنا جمع تهابه عدانا=بين القبائل مجدنا بالظهيره
نوفي حقوق ضيوفنا وقصرنا=بسلوم من خير سلوم الشهيره
من سلمنا يامن بنا من نصانا=حيث ان لنا ثنتين خوه وجيره
راع العصا ماقيل لومه وطانا=والثانيه قصة دخيل وقصيره
وتاريخنا حافل بقلة خطانا=والمخطي انخليه عبره لغيره
مندون لنقص في حقوق حدادنا= كل القبايل بلمناحر نحيره
لينن ابو تركي دعا للامانا=والشرع والراس المخضرم شويره
حنا من انصاره على دور ابانا=لين استعاد الملك صقر الجزيره
على ظهور مكاضمات العنانا=ومقاضب أيدي حلقةٍ مستديره
مع سيرة معزي فريد وفانا=يوم الوطن محتاجنا بتحريره
معذارنا دون الوطن مايسانا=وسلاحنا ماغير سيف وقصيره
منا مقاد م هيته لانخانا=لازار فينا جمع جينا بمـيره
وكم طرقةِ فيها من الوقت عانا=قـل الموارد والمهالك خطيره
لوجاء غدانا ماضمنا عشانا=مع درب زيزوم الركاب ا لمغيره
عبدالعزيز إلي عليه المثانا=عسى الولي من كل أثمـن يجيره
ويسكنه في بردات الجنانا=غيث اليتاما والشعوب الفقيره
ثم عقبه الوافين كسبو الرضانا=سعود مع فيصل وخالد وخيره
عسالهم من زال باعلى ماكانا=وتعوضهم دنيا لفانا بالخيره
وغفر لمن معهم بجهد ه تفانا=ونك على الحييين تضف الستيره
ويرب تقدا للصواب وليانا=للمنهج إللي فيه الشعب خيره
فيهم تقد ينا وبالله رجانا=أنه يوفقهم الحسن ا لمسيره
للعاهل ابن سعود نرفع ولانا=ومن له ولانا مستريحٍ ضميره
والا ورثنا نورثه لورثانا =فينا حميه للعقيده وغيره
واحفظ ولي العهد حامي حمانا=د رع البلاد نهبت المستثيره
من دوننا ومدافعاً من ورانا=نرقد وعينه من ورانا سهيره
والنائب الثاني وفاه احتضانا=جيشه عزيز وعزته من وزيره
في برنا وبحرنا وبفضانا=قوه تنظمها العقول البصيره
ونايف قمرها ليل سبع وثمانا=صاطع ضياه ا بكل هجره ود يره
يملكونا يهل الوفا يزعمانا=معكم تضامنا على كل سيره
ونستنكر الارهاب في ملتقانا=الفاسقين اهل الدروب الحقيره
مدري على اي اسباب هل غزو جانا=لافكر العاقل يحطه بحيره
ابن الوطن كيف انحرف ثم غزانا=من سمم افكاره ومنهو مديره
ومن هو مخططها وليه ابتلانا=في كل يوم واقعتها كبيره
منهم يتاما والقلوب الحزانا=وافعالهم تبقا وراهم معيره