ياليت مايبقى على الأرض مخلوق
الا هل الطولات واهل الجمايل
الي بنظرتهم سموا للعلا فوق
وبفعولهم تفخر كبار الحمايل
لن الحياة بوصفها عود زملوق
ايام ومن الصيف تلقاه مايل
مابي ينكدها ضعيف ومطفوق
الي علومه مثل هدم/ن سمايل
منين ماجريت* يجيك مفتوق
مايسترون نفوسهم والعوايل
حياتهم مابين لاحق وملحوق
هذا هجر هذا وهذاك صايل
الحق بين يدينهم مات مخنوق
اهل العلوم محرثين النثايل
يبون من حرث النثل علم موثوق
وعلومهم ترجع عليهم خمايل
الله يمحقهم عن الارض من فوق
ويعينها تضمهم ف المهايل
نبي نعيش بسلم ونعبدونروق
مدامنا فيها. . مثل ظل زايل