ياللي تبى الحالة ترى حالتي بين
حزن وفرح مضمونها هموم وسرور
فالعين ود مقابله صد من عين
الروح بين غياب للشوق وحضور
والقلب في موال الاحزان لاوين
والحظ على ماقيل فالناس معثور
درس الليالي فالعمر لو بدا زين
كثر التجارب فالنهاية لعب دور
ثنتين فادتني وجنبت ثنتين
وروح البنادم بين أحاسيس وشعور
الصبر زادي والامل لي عناوين
مدلولها في سكتي مآخذه نور
واليأس جنبته وخضت الميادين
لو الحزن له داخل الصدر جمهور
وجنبت شرهه مادها عند غالين
لو خاطري منها تضايق ومكسور