بخيتان البشري=
سلام حرفه رسم معناه=معناه منقوش من حرفه
صغناه بالود ظرفناه=يم العبيدي يصل ظرفه
العبيدي=
ترحيب بالود عجلناه=يمك يجي صفّك بصَفّه
سقناه بالعطر طيّبناه=مردود للي لنا زفه
بخيتان البشري=
مثلك نعزه ولا نشناه=عسى البقا وإستمع صرفه
اللي شرب وأروته يمناه=اليوم عجزان في طرفه
العبيدي=
مثلك في درب الوفآء نبغآه=ونعطيه في ذالهوى صِرفه
دوّر له الحل لاتنسآه=او بيّن اللي خفآ كَفه
بخيتان البشري=
أخوك هذا الأمر يعناه=يامن بكم يكتمل عِرفه
كل ما يغضه رجع عناه=ويخاف عن دربه يٍحرفه
العبيدي=
حتى نعليّ معك مبناه=الظل يهدم على جُرفه
دآم الآماني جرت مجراه=لاهي صناعة ولا حِرفه
بخيتان البشري=
اشكي عليكم من معاناه=لاهي روايه ولا طُرفه
الطرف غاوي ولا اغويناه=كل ما يسلهم رمى زرفه
العبيدي=
هذآ علآجك لك اصرفنآه=ابعد عن افكآر منحرفه
غض النظر كل مآقلنآه=وانته من رجآل محترفه
بخيتان البشري=
من بعد وصفك لنا شفناه=والعين بالحل معترفه
وسام منا لك أهديناه=تلقاه بأسمك على رفه