#قمة_العشرين بالعهد السعودي
احرقة عدوانهم في كل ديره
مايضيق من انجاح الا الحسودي
يلتمس عنده كويله والظفيره
الحسود يكن ما كن اليهودي
لو بيده الموت وجهلك نذيره
ولو معه ربط القرابه والجدودي
اعرف ان اهل الحسد مندون جيره
لوخطاهم مايبي لحداً اشهودي
يدعون العدل مع نضف السريره
لاهرج هراجهم حطك حقودي
شاف عيبه فيك من غشه ضميره
واكبر الفساق نكارً جحودي
ناكرا دور الجميل بكل سيره
مرةٍ رميه على قيس الحدودي
ومرةً رميه على (...........)
ولالنا غايه ورا جنح الزيودي
ديننا الاسلام ومحمد بشيره
والملك سلمان والرب معبودي
واحداً ماله شريك أيلاه غيره
وا حدا لرضاه نخشع بالسجودي
يوم فيه من البشر غره شويره
خله بفاله يروح وثم يعودي
والشروط الاوله مثل الاخيره
كان ماحد ن قيد الغوج الهبودي
لاقترب ريع انشب ماطارطيره
كم سكتنا مانبي بعض الردودي
شيمت(ن) نعرفبها وسط الجزيره
مقدريه للفهود وللاسودي
من صغير الجمع لاغاية اميره
مدحهم واجب وانا ماني جحودي
واتطاول عيب بالشعر ومعيره
وكانها نزوة قصايد ياوجودي
واردات العد لاتنطح صديره
كل يوم الضاميه ترد العدودي
وكل ماعدة نقول الامر خيره
لين وصل طق مفتول العضودي
مصبر محمد على ساية قصيره
والسمعو ماقول شرط بلاقيودي
مانحط المستطيله مستديره
ماش بيتٍ مرتفع ماله عمودي
ولايجوز العب بسراع الذخيره
#غازي_الزغيبي