**



دام القلم والــبـوك والـشعر موجود
وليا دعــيتـــه جـتـبـاها مـعـانـيــــه

يرزم بــصــدري مثل ما ترزم القود
ماغـيـر اهـيـيـلـه دروبـه واهـديـــه

اليا فــتـحـت البــاب قال اطـلب ازود
كــنّ البحــور امواجها تصـطـفق فيه

ليا اشــرت له يـنـقاد لي مايبي قــود
ويـطيعني لو مايبا الــدرب يـمـشيــه

واجيبها كـــيّــنٍ عـلى فـك ويـجـــــود
ويــموت راع الـفــك مـا نسـي كـاويه

لا قلت انا ابن خريص حنى هلا الجود
وأعـتـز باسمٍ تــوّج الـنعـم طـاريــــــه

حــنى الـخـــرصه مـطـوّعة كل نمرود
والــعاصـي اللي ما تـربى نـربـيـــــــه

ليا جــــات بمعـانــد وكــلٍ يـبا الـــزود
مـيـقـافنا بالعـــز مـحـدٍ وقـف فـــيــــه

نخـــلّي الهـيّـن ونــضرب على الكـــود
ونــخـتـار للــدرب المعـنـف ونـعـطـيـه

حنى الـجبال الشامـخه ياهـوى النــــود
تــرسي ولـو هـب الـهـواء مـادرت فيه

تاريخــنا في غـزوة الحــرث مـشـهــود
صقر اربعيـن اللي من الـخمـس ناقيــه

أنــعـزل ما يعـزلـنا قـســم مـحــــــــدود
ومـن لا رضي في سلّة السيف نرضـيه

ومــنّـا ركـيّـان الـوفاء كـايـد الـكـــــــود
زبــن الدخـيــل وعـز مـن يـعـتـزي فيـه

وعون الضعيف اللي من الوقت مضهود
يــعـشّـي اللي ما لــقى احـدٍ يـعـشـيـــــه

اليا ثــار مـع عـج الـرمـك مـلـح بـارود
يـثـني ويـلـحـق بالمـخـــلّى ويــحـمـيــه

ومنّا عــقاب ابو الـكـرم مـصـدر الجود
الــبـل يـقـدمها عــشاء في صـيانـيــــه

وان جاء نهار(ن) فيه طـارد ومطرود
له كردتــن من دم الأخــصام يـرويــــه

تاريــخهــم يـشهـد لنا مانـبا شهـــــود
مجــــدً لنا ومن حـقـنا نـفـتـخـر فـيـــه

ومــواصلين الــمــجــــد زودً عــلى زود
من بعــدهم نمــشي بــدربً مـشوا فيه








للشاعر /
علي بن طريثيث بن خريص العوفي