علي الحصني=
سلام يا هل الطيب والترحيب والمجـد التليـد=على الشرف واللي مشى معهم لما وصلو وصل
لي صاحبً ما شيف يوم العيد بالثـوب الجديـد=مدري وش اسباب الغياب وكل شـيً محتمـل
مفرح بن بداح=
يا مرحبا بالشاعر المعروف دكتور القصيـد=ترحيبة تشمل قبيلة حرب واصحاب المحـل
لا تحسب اللي راح دوك الليل هذا ليل عيـد=يكفي عن اعياد السنه والطيب والكيف اكتمل
علي الحصني=
ان مستعدينـا ليـوم الحشـر ويـام الوعيـد=ما هو بنافعنا مسابق شعـر ومزايـن جمـل
راحتك نصف القوت يا بن بداح لاتنواء الشديد=الديره القصياء محل والديره الدنيـاء محـل
مفرح بن بداح=
تذكير طيب يا علي والموت في حبل الوريد=عزالله انك جبتها والعلم اخير من الجهـل
ان طاح في البيدا مطر زرناه لونه بعيـد=علم الحيا متبوع مير ارفع يدينك وابتهـل
علي الحصني=
اعز الله انا كل مشفناك قلنا بن الوليـد=والضاهر انك معطي الفتاح وتشيل القفل
ليا حمتو نعمة الله تكفي النـاس وتزيـد=لاتطولون الثوب البشت المبطن والفللل
مفرح بن بداح=
انا بذلت جهود كبـرى ليـة ينكرهـا البليـد=اقف واقول المال مرعي يا مـدورة الهمـل
وانتم على عدة خطوط اسعد و سعدون وسعيد=بعضكم ليا اذن غلط حي على خيـر العمـل
علي الحصني=
انته بذلت جهودك اللي من طرفها تستفيد=وحنا زعلنا يا مفرح من زعل شيخ الشمل
التمر والبر الحمر والزيت والسمن الجميد=يمكن تسبب مشكله بيـن الاوادم والنمـل
مفرح بن بداح=
مهوب شيخ اللي يقول المنتحر يطلع شهيد=حذار تنخدعون بأصحاب الحبايـل والحيـل
هبدة جمل وحده تخلي النمل يالحصني مسيّد=هذا الكلام الجد والاشنـاب ينقصهـا فتـل
علي الحصني=
الهرج والتطبيل ما يبعد حديـدً عـن حديـد=اللي يبى يهرج هرج واللي يبى يفعل فعـل
النمل واجد والجمل يهبد ولكن وش يصيـد=اتجمعون الروس بس الروس داخلها خا لال
مفرح بن بداح=
دنياك مهما تمتلي بدروسها هل مـن مزيـد=والحق مثل الشمس ما يثنيه من رضي وزعل
حكم العدل من بعد لم الشمل واعتاق العبيـد=لا صار مارضاكم علينا ليش تطويل الجدل ؟