غازي السريحي=
سلام فـي أول المشـوار=مرسول مني على الشاشات
لكـل الاعضـاء والـزوار=في ملتقى حرب للكسـرات
سالم البشـري=
يامرحبا شـرّف البيطـار=اللي منه نكسب الخبـرات
اليوم دوناً عـن الشعـار=حظي رقى واعتلا الطالات
غازي السريحي=
دام البقا واسمع اللي صار=غديت في أسوأ الحـالات
بداخل القلب تصلـى نـار=والعين تذرف من العبرات
سالم البشـري=
مصغي لك السمع والأبصار=ياشاكي الهـم واللوعـات
وإن كان تبغى الكلام السّار=قلّي على مسبب الحرقـات
غازي السريحي=
رجلي غدت قصّها منشـار=بالأرض دفنت مع الأموات
صارت يميني بدون يسـار=ماعدت اقدر على الخطوات
سالم البشـري=
للمبتـلا تشفـع الأقـدار=واجره يناله من الأزمـات
خلّك لجور الزمـن صبّـار=وابقى مثل غالب الأوقـات
غازي السريحي=
الصبر وصّا بـه الجبـار=يفيـد ويدّخـل الجـنـات
ماعندكـم حـل للأمـرار=يحلّـي ايّامـي الجـيـّات
سالم البشـري=
مثلك لهم بالبنـان يشـار=مايرهق الفكر باللي فـات
يقطف لروحه من الأزهار=مايسلي أيامـه الصعبـات
سالم البشـري=
بوجودكم زانـت الأشعار=وعشنا معك أسعد اللحظات
والشكر ياعالـي المقـدار=من حرب والملتقى بالذات