صقر المراقيب=
كلا مدح روعة ابياتـك=شعرك بالابداع يجمعنا
بكسب فخر في مجاراتك=ياسيد القاف والمعنـى
سالم البشري=
تسلم على العز راياتك=يابادع القيل سمعنـا
نفرح بقيلك وطلعاتك=دايم ولك حرف يمتعنا
صقر المراقيب=
محتاج فكرك وخبراتـك=بسلوب راقي ويقنعنـى
صاحبك يبغى استشاراتك=في ود بالصـد لوعنـى
سالم البشري=
ليه اخلف الود هقواتك=عن كامل الوضع أطلعنا
حتى نقـرّب مسافاتـك=مادمت بالشّور طايعنـا
صقر المراقيب=
السالفه مننا جاتك=بالرمز والشور مطمعنا
وبالرد شفّر عباراتك=حساس ياخوك موقعنا
سالم البشري=
أشوف حرفك ونبراتك=تغيّرت يامباعدنا
وانا على الخط لو فاتك =حرفي وراجع مراجعنا