الزغيبي;287605]الجبال والرجال
اعزائي اليكم هذي القصيده
التي تحمل من الالغاز
هات القلم واكتب كلام(ن) مسويــــــــــه = اخترت موضوعه بعد ما طرالـــــي
من هاجسٍٍ بعد النظر في معانيـــــــه=ومن شاعر له في القصايد مجالي
وليا ختمته سلمه من يوديــــــــــــــه =حرٍ ذكاه يفوق قدرة خيالــــــــي
أبوه في كل المراجل مربيــــــــــــه =راسه مسندٍ من عمام وخوالــــــي
عطه خطابي واتركه لا توصيــــــــــه =إلا بعنوان الرجال الغوالــــــــــي
وليا لفا العنوان يلقى محييــــــــــــه =ترحيبة تبرى الكبود العلالـــــــي
في مجلس بن اليمن يدرج فيــــــــــه =وجمرٍ مولع تحت صفر الدلالــــــي
اشرب من الفنجال الأول وثنيـــــــــه =ون ثلث الفنجال معناه عالـــــــي
وبتشوف رجال تشوقك شواريــــــه =يرفع حجاجه في خفيف العيالــي
يجيب لك من خيرة الجلب غاليــــــــه =وهاذي عوايدهم من أول وتالــــي
واقلط على اللي ما حسب للثمن فيه =وارجع وكمل شرب مراًوحالـــــــي
عندي الزغيبي ياعسى اللاش يفديه =عطه الجواب وبين إنك عجالــــــي
وقله سفر يقول طابت لياليـــــــــــه =ينظر بعينه شرق والا شمالــــــــي
((أي العدوداللي عديده سوانيــــه =واي الملاذ الرجل والا الجبالـــــــــــي))
((و أي البيوت اللي رفع ذكر بانيـــه =و أي الربيع اللي من النزل خالـي))
وتعد للي عالي الطيب ماضيـــــــــه =في صفحة التاريخ منهم رجالــــي
ذباحة الحايل ولاطم معاديــــــــــــه =وهاذي فعايلهم من قديم الليالــــي
من عزوة منهم صفا نجد صافيــــــــه =أولاد روق الهم قديم الفعالـــــــي
أبو بدر يا خذ من الطيب عاليــــــــه =الطيب ورث له كريم السبالـــــــي
عطه جواب داخل الظرف طاويـــــــه =وقله بخير ليا نشد كيف حالـــــي
((وش الخصيم اللي لك الحق ويحيــــه =وش الجواب اللي بليا سوالـــــــي))
وش الحلال اللي سطح كبد راعيـــه =وش الغني اللي بليا حلالــــــــــي
أخفيت فأول ما كتبته وتاليــــــــه =إما فراسة شعر ولا إهبالـــــــــي
وصلاة ربي عد من حج يرجيــــــــه =على نبي حاكم بالعدالـــــــــــــي
هذه القصيدة للشاعر / سفر سعد
حي الكلام وحي من مجتهد فيـــــه =كنه يخاطب في كلامه معالـــــــي
حرص (ن) على جزل الكلام وملاويــــــه =من خوف توضيف(ن) يجيب الجدالـــــي
يسمن به اللي ما تقدا قواديـــــــه =من ضعف تفكيره يجيه إنفعالـــــي
العارفه لا واجهه ما يناحيـــــــــــــه =لاشاف ما هو للصواب إمتثالـــــــي
ما فارق (ن)سوم الذهب غير راعيــــــه=إن صار بالدينار ولا الريالـــــــــــي
يا بن سعد جاني كتابك واحييــــــه=جابه لك الله واحدٍ (ن)من عيالـــــــــــي
(عشرين و أربع كلها الماس وجنيــه=وتفسير معناهن يجوز إحتمالــــــي)
(يحمل ثلاث أبنود مع عدة أوجيــــه=وادري واعرف الوضع شبه إرتجالي)
من يوم خاطبني وخاطب بتاليــــــه=عناه للماضي بعد ما عنالـــــــــــي
غير المديح اللي عسا الله يعافيـــه=ما حطني عايش على قد حالـــــــي
و أنا أعتبرها لي شهادة من البيـه=لاكان ما ودي فردني الحالـــــــــــي
لا قول مقصوده ولا قول تمويــــــه=من طيب نياته حسب ما بدالـــــــــي
ذا قول من قاس الهدف قبل يرميـــه=ما رميه لين يصير وضعه قبالــــــي
يا شاعر معناه يفحا قوافيــــــــــه=و أنا أحترم راي الرجل عقب قالي
و لو مجرد راي لا جاه يرضيــــــــه=يمكن قصر دعواه عند الموالــــــي
إلا وعندي يا هل العرف تنويـــــــه=كان الهدف سامي هو اللي ببالــي
الناس كلٍٍ حول شفه وطاريــــــــــه=لا شفت في عيني ولحداً(ن) حكالـــي
((ما بالشمال الا القحط في ضعافيـه=والناس كلٍ قال ماله ومالــــــــــي))
من شاف في غيره وربه معافيـــه=يسحب فراشه في طويل الظلالـــي
لا هو بظل السيف يقصر تعديــــــه=من حيث ظل السيف حدره الرجالــــي
((والشرق به ما فيه لاسال واديـــــه=لو غيمت فوقه مزون ثقالـــــــــــي))
عسى زعوج الريح تخلف نواشيــه=حسناك يا والي على كل والـــــي
أ((أما سوال العد واللي يواليــــــــــه=أيات قفر الوسم واي المفالــــــي))
عد الروى ما قيل حامت ظواميـــــــه=والرس ماتنصب عليه المحالــــــــي
(والقفر سمي قفر قدام واطيـــــــــه=اسم(ن) تسمى من قديم وحالـــــــــي)
((والظلع يزبن من زبن فيه يلجيــه=لا كان ما هو للصميدع إمحالــــــي))
خطوابلج سيفه من الضد يرويـــــه=ياقف كما ياقف دخيل البلالـــــــي
اللي فدا روحه على شان عانيـــــه=من خوف يلحق سمعته ما يقالــــي
((والبيت مليه ما يقارن بفاضيـــــــــه=وبعض التساؤل يا بو فيصل وبالي))
و الادمي ما ياخذ الشي بيديــــــــه=يا صاحبي لا هنت جاك السوالـــي
((اللي تخم ايديه راسه وتخطيــــــــــه))=((عز الله إنه طيلة العمر جالـــــــــي))
فارس ولا حدره جوادٍ (ن)إتجديــــــــــه=واللي بباله هيه يا هملالـــــــــــي
مدري يدفه واحدٍ (ن)ما يخاويـــــــــــه=ولا ليا غاب القمر له مدالـــــــــــي
أزود من التقيه مجرد مساعيـــــــــه=لين أبرزوا طاريه كل الأهالــــــي
يا ذخر من حد العريني تحنيـــــــــه=لا سيقت العطفة وحمي القتالـــــي
يوما(ن) به الممرور تظهر حماريــــــــه=لا قيل يا حامي عقاب التوالــــــي
كم فارس(ن) منهم صوابه يعاظيـــــــــه=عقب اللقا ءومعاقبات السلالــــــي
تاريخ بلحارث من المجد ساميـــــــه=والنعم فيهم كل ماجاء مجالـــــي
قلته وربعي حقهم ماني ناسيــــــه=و ان قلت ماني فوق جرفٍ هيالـي
تشهد معالم نجد من غير اهاليــــــه=بالطيب والمسمت وثقل الرجالــي
و لا ينقص الرجال مدحت عوانيــــــه=ينقص لياجا يدعي بالكمالـــــــي
وتم الكلام اللي بعيدٍ (ن)مغازيـــــــــــه=*ما تبرك الا في يديها العقالــــي
لا رافعا (ن)طايح ولا حق مهفيـــــــــــه=وبليس ما يخزيه غير القبالـــــــي
وصلوا على اللي منهجه نقتدي فيه=اللي مقامه له تشد الرحالــــــــي]
غازي مغيران الزغيبي
هذا مرد
الشاعر شرار بن مطلق العتيبي[

بـعد لــفا الــمرسـول يالله تـحيية =لـــوكان فـــاول رحلــتة معــــنالي
مــرسـول رجــال نـعزه ونغــــلية =ســفر عزيز ولة مــكانه وغالـــي
حـرن مـجرب سـاس طيبة مجـانيه =يقدم على درب الخطر مايبالــــي
لـكن اشـوفه كـاثراتٍ طـواريــة =وانا احــسبنه كان دا له وسالــــي
كــلف غــلام بالرســالة معنــــية =ورسالــته قسمـــين فيما بدالـــي
قـسم نصى غازي وقسمن عطانيه =وجلســـت افكر فيه عدة لـــيالــي
اختصـني بالغاز واقبل تـحد يــــة =لكن مارضى النقص في كل حالي
مافيه لغز شــطر وا حد يكــفيـــة =الا بتــــحد يــدا دقيـــق مـــــــــــثالي
وانــا باحـــاول مــعرفه مايـــخفية =وان ماعـــــرفته كيـــف يرتاح بـالي
ســفر كلامه بـين واقع وتـــمويه =حــــط الهــدف مابين طامن وعالي
قصده يبا التفاق يرمي ويخطيه =لاكـــن قـــــله طــاح ياهمـــلالي
((ترى الخصيم اللي كثيرن تعديه =علــى حقوقك باللـــيالي الـــتوالي))
انته سبايب ماجرى وانت داعية =يالــلي فرشت الدرب قدمه زوالي
((واما جواب بـــلا ســوال تبديه =كلـــمه قصيره عن طويل الجدالي ))
اما معي وا لا مع اللي نعاد يه =ياخــطرها يا مــحتمين الـــتوالي
كلــمه لهامعنــى ومغزا وتنوية =محصوره بين الطمع والنكـــالي
ا((ما الحلال اللي السطح كبدر اعية =واصبح على راعيه شر وابالــــــي ))
من كان نايم من منامه يصحيه =لحضة وزا مايهيب لعب وتسالي
((واما الغنــي اللي تقوله وتـــطريه =هـــذاك من يمـسك جــويد الحبالي ))
ماغـيرت شــدات وقته مباديـــه =ولاهــمته دنــيا وراها الزوالـــــي
على طريق الخير كثف مساعيه =ومعينه الموالى عزيز الجلالـــي
هـــذا كلامن قلــت والــنقد قافــيه =وانا تراني مادعــي بالكـــمالــي



شرار العتيبي[]