طبعنا فيه شيمه بالمعزّه ربينا=والرّدى والرّخامه دربها ماندلّه
وماعلينا من اللي بان غلّه علينا=دون دافع سبب يجبر على اظهار غلّه
نرتقي بالتّعامل لين فيه احتوينا=كلّ جاهل نوى بالجهل والجهل علّه
حسن الاخلاق فينا حكمة الرّاي فينا=بالدَّهاه اشتهرنا كل عسرٍ نحلّه
نختلص بالحقوق ومنهج الدّين لينا=والعزيز الكريم اليا وقع مانذلّه
مارغبنا بدينٍ غير الاسلام دينا=نجتنب مايحرّم نتبع اللي يحلّه
ولو يشد الزَّمان بشطّته مارخينا=نرتكي لثّقال العزم فينا جبلّه
وان جلسنا فمجلس ننسمع لاحكينا=بالعلوم الثّمينه والغلا نستحلّه
وعن لزومٍ يشرَّف لحظةٍ مالهينا=ارتقينا لمنزلّ غيرنا ماوصلّه
وان لزمنا صديق في طرقته لامشينا=السّعد له علامه في حجاجٍ يفلّه
وايحسدنا معادي بالحسد ماعنينا=العطا عندّ واحد كلّنا تحت ضلّه
قاسم ارزاق خلقه في رجاه اغتنينا=العدل في قضاه بيدّه الخير كلّه
شرحنا بالقصيده بختصاره مبينا=وراعي الغلّ سبّب شيبته زود غلّه
طبعنا فيه شيمه بالمعزّه ربينا=والرّدى والنّذاله دربها ماندلّه