حنا كتبنا الشعر مااحد جبرنا= من هاجس لجاد جاب السميني
ابيات شعر تطرب اللي سمعنا = يثني عليها كل رجل ذهيني
تجمل الراوي ليا جا بعدنا= يدلي بها للناس في كل حيني
وان زادوا الشعار فالطيب زدنا = نفرح ليا شفنا الكلام الثميني
وان جا مجال المدح حنا مدحنا= المدح مايغلا على الطيبيني
فالطيب لهل الطيب نيذل جهدنا = الطيب مبدانا في طول السنيني
فالشعر مانحسب لحاسد حسدنا = ولانشتقي بالثرثرة والرطيني
اما نقول الزين واللا سكنتا= نسكت ولا نبدي بعلم يشيني
يازين نظم الشعر معنى ومغنا = والمحتوى مقبول دنيا وديني
منظوم في طاروق موزون وزنا= يطرب له القاري مع السامعيني