يا الشاعر الدكتور ابا اسيئر علاك=مسيـار لاقبلـه لا وفيـه ابعـده
ان كا نها بالشعر ابا اعرف مستواك=ون كا نها بالعلم زرعك واحصـده

وراك يالمرعب، علامك؟ وش دهاك؟=مسيارك الطاري، علينا ما اسعـده
أنا بشعري هاوي(ن)، و الشعر جاك=و العلم، خلّك عنه جنـب المسنـده

انته تدورهـا هنـى ولا هنـاك= ون كان جاك الضيف حيه وانشده
انته الى جمعت مـرك مـع حـلاك= يمكن تحلل لـك حبـال معقـده

أنا مَـدوِّرْ يـا علـي الا رضـاك=و الضيف حيَّينا، و شدَّينـا يـده
و انا مثل غيري، عسى ربي يهداك=في الملتقى كل(ن) لسانه مبـرده

يا شاعراً ما شفت نجمك في سماك=ما كـل مـن دور لشئـن ياجـده
ان كان لا هب الهـواء يـذري ذراك=ناصلـك والموعـد نبيـك تحـدده

يخوك انا ضيف(ن) عليك بمنتـداك=وراك الى جا الضيف عندك تجلـده؟
أنا بشعري عـارف(ن) اللِّـي وراك=وان كان جيت، أبشرْ بشاعِرْ و اعْتِدِه

يا ضيف ما مييزت طيبك من رداك=بعض الضيوف الجلد اظنه يسعده
سا فرت للدمام مدري من دعـاك=لكن عان البحـر قدمـك وايـرده

أنا احترمتك بس اشوفك في عمـاك=حصنيّكم يا حـرب ضيَّـعْ مُرْشِـدِه
ان رحت انا في درب يبرى لي ملاك=و البحر يشربـه المشـوّه ووْلِـدِه

ليا احترمت الناس زادوا من غلاك=ربن ما هو ربي تراني ما اعبـده
انا لو امزح معك جا معك ارتباك=والشاعر الدكتور لا احدن يحسـده

الاحترام مبادلـة: هاتـه، و هـاك=مهوب قول، بلا فعـول(ن) تسنـده
مزحك على راسي، و لكن لو نصاك=مزحي، عسى عينك تحمَّـلْ إثْمِـدِه