السلام عليكم ورحمه الله وبركاته...
هذه المحاوره من المحاورات اللتي جرت بين شاعرين من الشعراء العمالقه ...
وهم شاعرنا العروف / علي الحصني

كديميس :

يامرحبا بالشاعر الحصني وانا شاعر كبير=أمزح مع الشعار واحرق دمها واعصابها
العام حصلتك ورى دخنه على ظهر البعير=واليوم دخنه دخنت دونك وصكت بابها

علي الحصني :

عسى البقاء با الشاعر كديميس ابو سيفاً شطير=ولافيه فتنـه بـا البـلاد الايصيـر اسبابهـا
وشلون با الله شفتني ونتـه بضلعـاً مستديـر=ما تاكـل الا التمـره اللـي يابسـه بعيابهـا

كديميس :

خمسة عشر شاعر حذفته ياعلي في زمهرير=النار حية والخطر والموت في مشهابها
لاتخلف البندق على الرمّاي فالوضع الخطير=جوّد رسن خيلك وقول الخيل من ركابها

علي الحصني :

عشره من العتبان وربـع ماعرفتلهـم مصيـر=والخامس اللي خضب الحيـه وزاد اخضابهـا
اشوف وجه الزير والي يشعب الصفراء خضير=الناس هاذي مع بعضهـا وشـو اللـي جابهـا

كديميس

من عقب ناشك مسيم الكيّة على الضلع القصير=اصبحت مثل الحملة اللي في ظهر قلابها
يالحصني آثرك منت عارف ويش منكر من نكير=ياويلك اليا مت وانته ماحسبت حسابها

علي الحصني :

انشد قبايل غامد وزهران وسبيع ومطيـر=ونشد بني عمك وتلقاء العلم مع شي يا بها
كل اثنين اخوان لاكن ارغاء غير الهديـر=ولاعندهم يا غير سكيناً ضعيف انصابهـا

كديميس :

وش عاد باقي يابدو ياهل السمن واهل المضير=خيامكم هب الهوى واشتالها بأطنابها
على المنصة يدفعونك حرب والجمع الغفير =عساك ماتطلع مثل مبروكها وإلهابها

علي الحصني :

حنا شرنا المشلح السوداء وعطيناه الامير=ونته مع خمسه من الروقه طوال اشنابهـا
ليا دفعوني بدفع العتابان عن واد الجريـر=وتراء عتيبه ما تعرف اشعاب غير اشعابها

كديميس :

لاتتركون الصرة ام فلوس في بيت الفقير=ماودنا تهرج بها الاصحاب عند اصحابها
حنا على جال البحر وانته على جال الغدير=والباخرة راحت وشرهتها على ركابها

علي الحصني :

يا صاحبي يا كثر حسادك على الاسم الشهير=تفنى اليال وهيبت السلمـان مـن مشعابهـا
وش جابكم حول البحر هذ كلاماً ما يصيـر=انته راع الصحراء وضبانك تهـز اذنابهـا