ربـيـّع عـلـى مـانـع دمـوعـه يهلن
يبكي رفيق الطيب طلق الحجاجين
و يـالله يـامـن كـون الكـون فـي كن
ياخـالـق الانسان مـن طـين للـطين
تـجـعـل قـبـر مـانـع بـعفـوك مبطّن
وبـقـدرتـك ثبت جـوابه على الدين
وتـجـعـل لـه الفردوس يارب مسكن
ويـشـوف فـيهـا خـيـر ماشافته عين
وتـجـبـر عـزاء خالد بعد مانع ادفن
تـجـبـر عـزاه بـوالـده قـولــوا امين
فـقـد الابـو مـنـه الــجـوارح يـونن
اسـمـع ونـيـني م تـغـيـر مـن سـنين
حـزنـي عـلى ابـويه بـقـلبي تسلطن
يحكم مـسـار الـدم وسـط الشرايين
و يا الله يـامــن كـون الـكـون واتقن
عـطّـر مـقابـرهـم بـمـسك ورياحين

طلال الحنيحني

الردد:👇

من طِيبه ربيع على أصحابه يحن
وايهلها دموعٍ ما حارت بها العين

جعل العيون اللي من احداقها جن
ولا جابهـن ياكود فقد العزيزين

ماتـبـكـي فـراق الـمحـبـيـن لاهن
ولا عين شاعر من قروم وسلاطين

إحساسكم صادق ولا شابه الظن
وهذا هو احساس الرجال الوفيين

وافراقنا للي على إفراقه انون
مايجبره ياخوك نسيان واسنين

بدعي وبطلب رب الانسان والجن
إنّا انتـلاقـى وسط جناته ،، آمين

ويحفظ لنا الحي ويطول به السن
في طاعة الخالق ورفع الموازين

وإيرحم الميت ،، ويغفـر مـا دوّن
عليه من ذنبٍ ،، وتقصير فالدين


عقاب ابو سبته