|
جـــــرح الأحســـاس
جـــرح الأحســاس
ارجوك لاتجرح شعوري والأحساس=لاتجرح اشعور الغلا وانت غاليه
راعه ترى اللي شايله قلب حسّاس=ودّه تموته بالغلا لين تحييه
ماجاك لأجل اعيونك السود نعاس=ولا مع ايامك يقضي لياليه
جابه خفوقً كل ماهب نسناس=ماهو على غيرك تسوقه طواريه
منضام واغصونه ضمايا ويباس=عوده خضر يوم المواصيل تسقيه
حدنه ايامه على حد الأمواس=واهتزت اشواقه وكثرة بلاويه
والفكر لامن نام يدعيه هوجاس=ومع هاجس افكاره يسجن خطاويه
يبعد به الهوجاس عن لمة الناس=واليا انتبه هاجوس فكره يخليه
في موقف الحيره على قمة الياس=في ليله الموحش يعود لراضيه
يرجع لحاله ضايق البال محتاس=ينظم معاناته من الشوق والتيه
وانته بهجرانك مذوَقه الأتعاس=يومن تصافيله وعشره مجافيه
الشاعر - عبدالهادي صالح السليمي
"
""
"""
..........
|