سلام ياحفلٍ على دعوته جيت@من نجد يوم الصبح بانت سهومهّ
وجهت وجهي صوب مكه وصليت@وناجيت علام الصدور الكتومه
طالبك ستر الحال يامحيي الميت@وعن غيبة المغتاب ولا الخصومه
والشعر هاذي حزته مع هل الصيت@والحفل ذا حفله وهاذي نجومه
وسرجت لي مهره تحب الزغاريت@مهرةفصيحٍ السان لابدا علومه
وسرجتها ولكل جزل استعديت@ والفكر يملي والبيوت محكومه
مبروك يامتعب وريث الزناتيت@واخذت مرتبة امتياز امختومه
واضفة حرف الدال للاسم ووفيت@وتستاهل الي لك يقوم عزومه
للمرجله سلم تبي رجل عنتيت@عند االتقدم ماتراخاء عزومه
وانته على ماتطلب النفس واكفيت@الحر له ضفه وللحصن هومه
درب العلاء مايصله كل خرتيت@لان العلاء ماهو بشفه ورومه
المجد له رواد والمرجله بيت@ولي شقى بالمرجله من يلومه
مندون كلمت نعم صحصح سباريت@ياخذ به الرجال طيحه اوقومه
ولو ماسهرة اليل مانلت ورضيت@نفسك وكل الاقرباء والعمومه
وعزالله انك للمصاعب تصديت@جعل السعد هاذي بشاير قدومه
وانته سلايل مجد في كل ماوحيت@ياعز والله من انتمايك لقومه
قبل اتساوي والمزاهب مباحيت@والناس فيها هازمه ومهزومه
قبل الدول تعتاش من منبع الزيت@شعب اوطن ولي تديره حكومه
وانتم غيادين السعد ون تعزويت@ماهي من امجاد الرجال محرومه
اهل المهارا الي تشيل العناتيت@الي بهن لاطول الماد زومه
اليا غزو بضهورهن جو مباخيت @وليا غزاهم شيخ صدو هجومه
واهل البيوت الي لياجيت حييت@يفرحبهن من طير الجوع نومه
ببيوتهم تلقى الذرا الزين وتقيت@ يوم المعوشه تقل شبه امعدومه
وخصايل فيهم لو اقول محصيت@ وشك زايل والرجل من سلومه
انعد عد الساميه بالاثابيت@ ويقول دور الامن يالله تدومه
ويدوم عز مطوعين العفاريت@بالشرع والسيف الحدب لمحسومه
في ضلهم من يوم وردن على هيت@والحق يوخوذ واطغاه مهزومه
الحكم ماجاهم من شعب تصويت@الا بحد المرهفات الحومه
وحناءلهم حضار في كل توقيت@والخيل تكرم والنقيض مخزومه
لين الجمو كل العدا والشماميتّ@ومن كان مفطر يوم بكره يصومه
تمت وصلو عد مايالع اليت@ على رسوله بالهدا ومعصومه
غازي الزغيبي