قلطه مع الشاعر القدير حمد جعفر الشيخ
حمد الشيخ=
سلام رديه نقدمهـا كمـا سكـر نبـات=يوم المعاني والعلوم الطيبـه محريبهـا
من صاحبن ياخذ ويعطي فالعلوم الطيبات=والعمله اللي طيبه كل العرب تمشي بها
خليفة المزروعي=
يامرحبا في مرحبا باللي يجيب المثمنات=وليا سريتو بالمعاني ياحمد ساريبها
أنته عميلي للمثايل وألمثايل لالثقات=والله يجملنا مع ألأجواد في ترتيبها
حمد الشيخ=
عساك باقي ياصقر شيهان فوق النايفات=نبغى انتخير من معا نينا جداد اثيابها
الشب لامنه نوالاتغره ازهور النبات=اللي ليا جاها سموم القيض هس ارقابها
خليفة المزروعي=
ماشي عليكم زود وأبنيها على خذها وهات=والعمله اللي ماتجملني معك شبغابها
صحيح ماقلتو لاكن القلب له مصدرات=يبغى اتخير في حمام الورق ولا غرابها
حمد الشيخ=
العرق دساس انتبه للوارده والصادرات=هاذي نصيحه ياشباب اليوم من شيبها
من واجب الابناء على الأباءخيار الأمهات=لجل القبايل ياخليفه تعتزي بانسابها
خليفة المزروعي=
البذره اللي طيبه تنبت تجيب الطيبات=وللي ذيابه ياحمد ماجيب غير اذيابها
انته تفكر ياصحيبي فالسنين الولات=هذيك راحت والرجال اليوم في هندابها
حمد الشيخ=
اظفر بذات الدين قال المصطفى ذات الصلاة=تربة يداك ايقول لامنك كتبت اكتابها
بعض الأمور اتزول ولا الثابتات الثابتات=والثانيه لو حال ينقصها ترا ماعابها
خليفة المزروعي=
قدوه كلام المصطفى راع الشريعه والثبات=الصادق المصدوق بلغنا بيات اقرابها
والحق حق وترفع البيضاء لكم فالنايفات=وام ألأصل والدين فاز اللي في داره جابها