أبو إياد =
مرحبا يا هلا عداد وبل الغيث = من ضميرٍ على الطالة مضريها
من حدود الشمال ليا ورا تثليث = ناخذ المدة الجزلة ونعطيها
أبو هاني =
يا لعل البقا يا ليث جاك الليث = كل ما سرحت حنا نضويها
خلتلي خيال لكنه عساه مغيث = والدير يا عساه الليل يسقيها
أبو إياد =
نٍعم يا صاحبي لو كان جات بريث = ما يجي في المواقف غير راعيها
أُطلب الله يسهل رزقكم من حيث = حيث لا تعلمون الله يهنيها
أبو هاني=
الحر في هدته ما يقبل التحثيث = والاصايل في يد اللي يقديها
رزقنا عند واحد منبت التحريث = رازق النمل الاسود في مرابيها
أبو إياد =
في اللغة نعرف التذكير والتأنيث = مير بين البشر ضاعت مواريها
حالةٍ مزرية وتسبب التغثيث = قول يا صاحبي ويش الدوا فيها
أبو هاني =
حدثوهم عساها تقبل التحديث = ياعساها تعود عن هقاويها
موضةٍ/ن جاتهم فالبس وألتأثيث = وبانت اليوم حتى في لحاويها
أبو إياد =
كثر ما قلدوا صارت كما التوريث = والشياطين توعدها وتغريها
الجهل والغشامة في العقول تعيث = خاتمتها عسى مولاك يهديها