/لو الجمل نـوّخ الناقـه= وامسى رسنها على يمناه
كان اصبحت مالها فاقـه= وارتاح منهـا عبـاد الله
شعيل نشبـان فنياقـه = عنده من الخيرماكفـاه
بعدين ماهي من أخلاقه = يقعد يراقب فخلـق الله
بعد الجمل انثنى ساقـه =وعاد الكلام اللذي قلنـاه
فرصه نبى نشد بوثاقـه= ونقول ليل الصفا مااحلاه
القول غلقـت مغلاقـه = جديد حرفـه ولاعدنـاه
وان كان ماشطب اوراقه = ليل الصفا كلنـا نبغـاه
تو الحيـا نـاض براقـه = نـوه تهامـل وزان ذراه
وانا على نبـض خفاقـه= بشرح ظروفي مع المأساه
الطرف برق الحيـا شاقـه = وهجوس فكري سرت مسراه
القلب وش خافـي اعماقـه = اللـي عليكـم تـجـر الآه
اللي مرار الاسى ذاقـه = ياصاحبي والزمن اعضاه
كيف يتحكـم فاشواقـه = لاداعبه طيف من يهواه
الشـوق لـه نارحراقـه = والصبر ماهوعلاج ل(داه)
اروي ظما نفس مشتاقـه = يكفي على القلب ماعاناه
منابـع الجـم دفـاقـه= والروح عند الطلب تفداه
لاكن يامصعـب فراقـه= اللي اسر خافقي ذكـراه
القلب له عين عشاقـه = ماترتوي غيرمن رؤياه
ويامقرب الباب للطاقه = يامشتكي من الم فرقاه
ابطيت وانا على الساقـه = مابين عد الصفا ورشاه
ولاعاد نفسي بها طاقـه = عطني قرارك وحط مضاه
العلم يحتـاج للياقـة = واللي بدا حرفها وفـاه
وآخرقـراره وميثاقـه = أما اتبع القلب ولا انهاه